சென்னை:தமிழக காவல், சிறை மற்றும் தீயணைப்பு துறைகளுக்கு, இரண்டாம் நிலை காவலர்கள், 10 ஆயிரத்து, 906 பேர் தேர்வு செய்யப்பட உள்ளனர்.

தமிழ்நாடு சீருடைப் பணியாளர் தேர்வு குழுமம் வாயிலாக, காவல் துறை, சிறை மற்றும் தீயணைப்பு துறைகளில் காலியாக உள்ள, இரண்டாம் நிலை காவலர்கள் மற்றும் எஸ்.ஐ.,க்களின் பணியிடங்கள் நிரப்பப்பட்டு வருகின்றன.


அந்த வகையில், இந்த ஆண்டு, காவல் துறையில், மாவட்ட மற்றும் மாநகர ஆயுதப்படை பிரிவுக்கு, ஆண்கள், 685; பெண்கள் மற்றும் திருநங்கைகள், 3,099 பேர் தேர்வு செய்யப்பட உள்ளனர். விண்ணப்பம்அத்துடன், சிறப்பு காவல் படை பிரிவுக்கு, 6,545; சிறைத்துறைக்கு, ஏழு பெண்கள், 112 ஆண்கள் என, 119; தீயணைப்பு துறைக்கு, 458 ஆண்கள் என, 10 ஆயிரத்து, 906 இரண்டாம் நிலை காவலர் கள் தேர்வு செய்யப்பட உள்ளனர்.


இதற்கான அறிவிப்பை, சீருடைப் பணியாளர் தேர்வு குழுமம், நேற்று வெளியிட்டுள்ளது. www.tnusrbonline.org என்ற, இணையதளத்தில் மட்டுமே விண்ணப்பிக்க வேண்டும். இணைய வழி விண்ணப்ப பதிவேற்றம், வரும், 29ல் துவங்குகிறது; அக்., 26க்குள், விண்ணப்பங்களை சமர்பிக்க வேண்டும். பதிவேற்றம்அதற்கு பின், பதிவேற்றம் செய்யப்படும் விண்ணப்பங்கள் நிராகரிக்கப்படும்.


எழுத்து தேர்வு, 37 மாவட்ட தேர்வு மையங்களில், டிச., 13ல் நடக்கிறது.மேலும், விண்ணப்பம் எப்படி சமர்பிக்க வேண்டும்; இட ஒதுக்கீடு, கல்வித்தகுதி, யாரெல்லாம் விண்ணப்பிக்கலாம்; உடல் தகுதி தேர்வு, உடற்கூறு அளத்தல்; சான்றிதழ் சரிபார்த்தல் உள்ளிட்ட அனைத்து விபரங்களும், www.tnusrbonline.org என்ற இணையதளத்தில், தகவல் சிற்றோடாக பதிவேற்றம் செய்யப்பட்டுள்ளன. இதை பதிவிறக்கம் செய்து, நன்கு படித்து பார்த்த பின், விண்ணப்பிக்க வேண்டும். தட்டச்சு செய்யப்பட்ட விண்ணப்பங்கள் ஏற்கப்படாது என, சீருடைப் பணியாளர் தேர்வு குழுமம் அறிவித்துள்ளது.